وزیراعظم شہباز شریف دو روزہ سرکاری دورے پر باکو پہنچ گئے ؟؟

وزیرِ اعظم میاں محمد شہباز شریف آذربائیجان کے صدر الہام علیوف کی دعوت پراپنے دو روزہ سرکاری دورے پر آذربائیجان کے شہر باکو پہنچ گئے۔

باکو پہنچنے پر آذربائیجان کے نائب وزیرِ اعظم یعقوب ایوبوف، نائب وزیرِ خارجہ النور مامادوف، پاکستان میں آذربائیجان کے سفیر خضر فرہادوف اور آذربائجان میں پاکستان کے سفیر بلال حئی نے وزیرِ اعظم کا پرتپاک استقبال کیا۔

وزیرِ اعظم میاں شہباز شریف کا وزارتِ عظمی کا منصب سنبھالنے کے بعد آذربائیجان کا یہ پہلا دورہ ہے۔

دونوں ممالک کے درمیاں تجارت کے فروغ اور توانائی کے شعبے میں تعاون کیلئے وزیرِ اعظم سے آذربائیجان کے وزراء کے وفد کی ملاقات بھی ہوگی۔

باکو، آذربائیجان: وزیر اعظم شہباز شریف کے ذگولبا صدارتی محل پہنچنے پر آذربائیجان کے صدر الہام علیوف نے وزیرِ اعظم کا پرتپاک استقبال کیا، اس موقع پر وزیر اعظم کو گارڈ آف آنر 

بھی پیش کیا گیا۔

وزیراعظم شہباز شریف نے آذربائیجان کے قومی قائد حیدر

 علیوف کے مزار پر حاضری دی اور پھول پیش کیے۔ وزیراعظم اب سے کچھ دیر بعد آذربائیجان کی یاد گارِ شہداء کا دورہ بھی کریں گے۔

بعد ازاں وزیراعظم کی صدر الہام علیوف کے ساتھ ملاقات ہوگی جس کے بعد دونوں رہنماء مشترکہ پریس کانفرنس بھی کریں گے۔

آذربائیجان کے صدر الہام علیوف کی دعوت پر وزیراعظم شہباز شریف باکو، آذربائیجان کے دو روزہ سرکاری دورے پر ہیں۔