وزیراعظم شہباز شریف نے اسلام آباد میں یونیورسٹی کا افتتاح کر دیا ؟؟

وزیراعظم شہبازشریف نے آج اسلام آباد میں ایک تقریب میں نیشنل یونیورسٹی آف ٹیکنالوجی (NUTECH) کے مرکزی کیمپس کا سنگ بنیاد رکھا۔ اس موقع پر وزیراعظم نے یونیورسٹی کیلئے دس کروڑ روپے اور چار ائیرکنڈیشنڈ بسوں کی منظوری بھی دی۔

اس وقت نیشنل یونیورسٹی آف ٹیکنالوجی میں گریجویشن کی سطح کے سات پروگراموں میں جدید تعلیم فراہم کی جارہی ہے۔ اس کے علاوہ یونیورسٹی رواں سال گریجویشن اور ماسٹرز ڈگری کے مزید پروگرام شروع کرے گی۔

تقریب سے خطاب کرتے ہوئے وزیراعظم نے ہنرمندی اورفنی تعلیم کو فروغ دینے پر زوردیا ان کا کہنا تھا کہ فنی تعلیم کسی بھی ملک کی کامیابی کیلئے اہم ہے۔ وزیراعظم نے بانی پاکستان قائداعظم محمد علی جناح اور علامہ ڈاکٹر محمد اقبال کے نصب العین کے مطابق خاص طور پر تعلیم کے شعبے میں طبقاتی تقسیم ختم کرنے کی ضرورت پر بھی زوردیا۔

وزیراعظم نے ہنرمندی اور فنی تعلیم کی فروغ کیلئے حکومت کے غیرمتزلزل تعاون کا عزم ظاہر کرتے ہوئے کہاکہ اس سے ہنرمند انسانی سرمایہ پیدا کرنے میں بھی مدد ملے گی جسے بیرون ملک بجھوا کر ملک کا تجارتی خسارہ کم کرنے میں مدد مل سکتی ہے ۔

وزیر اعظم شہباز شریف نے نیشنل یونیورسٹی آف ٹیکنالوجی (NUTECH) اسلام آباد میں پرائم منسٹر یوتھ سکل ڈویلپمنٹ پروگرام کے کامیاب امیدواروں میں اسناد تقسیم کیں۔