پی ٹی آئی رہنما شہر یار آفریدی پھر سے گرفتار

پی ٹی آئی رہنما شہریار آفریدی کو رواں ہفتے دوسری مرتبہ گرفتار کر لیا گیا، جمعہ کو راولپنڈی پولیس نے انہیں انسداد دہشت گردی کی عدالت کی جانب سے رہائی کے حکم کے فوراً بعد ایم پی او کے تحت حراست میں لے لیا تھا۔

 پی ٹی آئی کے مطابق، سابق وزیر اور ان کے وکلاء کو بھی پنجاب پولیس نے عدالت کے احاطے کے باہر "تشدد" کا نشانہ بنایا ۔

شہریار افریدی پر جھوٹے مقدمات میں جھوٹی نامزدگی پہ آئی او، ایس ایس پی انویسٹیگیشن اور ڈی آئی جی راولپنڈی کو انسداد دہشتگردی عدالت کے جج نے شو کاز دیا۔
عدالت نے شہریار کو کیس میں ڈسچارج کیا گیٹ پہ پنجاب پولیس نے شہریار اور وکلا پہ بد ترین تشدد کیا۔ وکلا شہریار کو عدالت کے اندر لے… pic.twitter.com/Z4v1obz6bE

— PTI Khyber Pakhtunkhwa (@PTIKPOfficial) August 4, 2023

center;">

پی ٹی آئی کی طرف سے " ایکس "پر پوسٹ کی گئی ایک ویڈیو میں شہر یار آفریدی کو پھٹے ہوئے کپڑوں میں دکھایا گیا ہے، وہ بھاری سانس لے رہے ہیں، جب ان کے وکلاء نے انہیں پانی کی پیشکش کی۔ ایک اور کلپ میں پی ٹی آئی رہنما کو عدالت کے باہر پولیس کی بھاری نفری میں گھیرا ہوا دیکھا جا سکتا ہے۔

 اس سے قبل آج راولپنڈی انسداد دہشتگری عدالت نے حکام کو 9 مئی کے تشدد سے متعلق نیو ٹاؤن تھانے میں درج مقدمے میں سابق وزیر کو رہا کرنے کی ہدایت کی تھی۔

 تاہم، پی ٹی آئی رہنما کو راولپنڈی کے ڈپٹی کمشنر حسن وقار چیمہ کی جانب سے ایم پی او آرڈیننس کے سیکشن 3 کے تحت جاری نظر بندی کے احکامات پر رہائی کے فوراً بعد دوبارہ گرفتار کر لیا گیا۔

 آفریدی کو بعد ازاں اڈیالہ جیل لے جایا گیا۔

 ایک ہفتے میں یہ ان کی دوسری گرفتاری ہے۔ ایک روز قبل لاہور ہائی کورٹ کے راولپنڈی بینچ نےشہر یار آفریدی کی ضمانت منظور ہونے کے بعد پولیس انہیں اٹھا کر لے گئی تھی۔

 اپنی گرفتاری سے کچھ دیر قبل میڈیا سے گفتگو کرتے ہوئے پی ٹی آئی رہنما نے افسوس کا اظہار کیا کہ وہ اس کیس سے لاعلم ہیں جس میں انہیں دوبارہ گرفتار کیا جا رہا ہے۔ شہر یار آفریدی نے اس بات پر بھی زور دیا کہ وہ ایک قانون کا پابند اور ذمہ دار شہری ہیں۔

 دریں اثنا، ان کے وکیل نے کہا کہ آج ان کے مؤکل کی رہائی کے بعد، پولیس نے انہیں " ایم پی او آرڈر" کے بارے میں مطلع کیا۔

 انہوں نے مزید کہا کہ شہر یار آفریدی "قانون کا احترام کرتے تھے" اس لیے وہ "غیر قانونی" گرفتاری کے سامنے ہتھیار ڈال رہے ہیں۔ وکیل نے نظر بندی کے حکم کو ہائی کورٹ میں چیلنج کرنے کا عزم کیا۔