خیبر پختونخوا میں دھماکہ

 

ریسکیو اور پولیس حکام نے بتایا کہ پشاور کے ورسک روڈ پر پیر کو سیکیورٹی فورسز کی گاڑی کو نشانہ بنانے والے دھماکے میں فرنٹیئر کور (ایف سی) کا  ایک اہلکار شہید اور تین شہریوں سمیت متعدد زخمی ہوئے۔

 ریسکیو 1122 کے ترجمان کے مطابق زخمیوں کو لیڈی ریڈنگ اسپتال لایا گیا، اسپتال انتظامیہ نے تصدیق کی، جب کہ کم از کم دو زخمی ایف سی اہلکاروں کی حالت تشویشناک بتائی جاتی ہے۔

 ورسک کے سپرنٹنڈنٹ پولیس ارشد خان نے تصدیق کی کہ یہ دیسی ساختہ بم دھماکہ تھا۔

 قبل ازیں، پشاور کیپیٹل سٹی پولیس آفیسر (سی سی پی او) سید اشفاق انور نے کہا تھا کہ ابتدائی مرحلے میں دھماکہ خودکش دھماکہ نہیں لگتا تھا۔  ان کا کہنا تھا کہ سڑک کے کنارے دھماکہ خیز مواد نصب کیے جانے کا امکان ہے۔

سی سی پی او نے کہا کہ بم ڈسپوزل یونٹ (BDU) اور انسداد دہشت گردی ڈیپارٹمنٹ (CTD) سی ٹی ڈی کی ٹیمیں حملے کی جگہ سے فرانزک شواہد اکٹھے کر رہی تھیں۔

 ورسک کے ایس پی نے بتایا کہ آئی ای ڈی حملے میں پانچ کلو گرام دھماکہ خیز مواد استعمال کیا گیا۔

 انہوں نے کہا، "ایف سی کی گاڑیاں مچنی سے ورسک روڈ کی طرف آرہی تھیں۔" حملے کی تحقیقات شروع ہونے کے ساتھ ہی اب تک پانچ مشتبہ افراد کو گرفتار کیا جا چکا ہے۔

 سی سی پی او سید اشفاق انور نے دھماکے کی جگہ کا معائنہ کیا اور شواہد کا جائزہ لینے کے بعد تحقیقات کا آغاز کردیا۔

ابتدائی تحقیقات کے مطابق دھماکا دیسی ساختہ بم کی وجہ سے ہوا، انہوں نے بتایا کہ  بی ڈی یو کی رپورٹ آنے کے بعد دھماکے کی نوعیت کا پتہ لگایا جائے گا۔

 سی سی پی او نے مزید کہا کہ شہر میں داخلی اور خارجی راستوں کی کڑی نگرانی شروع کر دی گئی ہے، اس بات پر زور دیتے ہوئے کہ ملکی مفادات سے دشمنی رکھنے والے عناصر کو اپنے مذموم مقاصد میں کامیاب نہیں ہونے دیا جائے گا۔

 انہوں نے کہا کہ سیکیورٹی ادارے امن و سلامتی کے قیام کے لیے دہشت گردی کے خلاف جنگ میں فعال تعاون کر رہے ہیں۔

Strongly condemn the cowardly attack on FC officials’ vehicle in Peshawar earlier today; that resulted in the Shahadat of one FC official and injured others including some civilians. The sacrifices of our valiant soldiers and resilient people will not go in vain and such…

— Shehbaz Sharif (@CMShehbaz) September 11, 2023

دریں اثنا، سابق وزیر اعظم شہباز شریف نے ٹویٹر موجودہ نام ایکس پر ایک پوسٹ میں "ایف سی اہلکاروں کی گاڑی پر بزدلانہ حملے" کی مذمت کی ہے۔

 انہوں نے لکھا کہ ہمارے بہادر سپاہیوں اور حوصلہ مند لوگوں کی قربانیاں رائیگاں نہیں جائیں گی اور اس طرح کے دہشت گرد حملے ہمیں عسکریت پسندوں سے مکمل طور پر چھٹکارا پانے سے نہیں روک سکتے۔

 پاکستان مسلم لیگ نواز (پی ایم ایل این) کے صدر نے زخمیوں کی "جلد اور مکمل صحت یابی" کے لیے بھی دعا کی۔

 انہوں نے کہا کہ اللہ تعالیٰ شہید ایف سی اہلکار کے سوگوار لواحقین کو صبر جمیل عطا فرمائے۔

انٹر سروسز پبلک ریلیشنز (آئی ایس پی آر) نے ایک بیان میں کہا کہ تازہ ترین واقعہ خیبرپختونخوا کے ضلع چترال میں عسکریت پسندوں اور سیکیورٹی اہلکاروں کے درمیان شدید فائرنگ کے تبادلے کے دوران سات دہشت گردوں کی ہلاکت کے ایک دن بعد پیش آیا ہے جب کہ چھ شدید زخمی ہو گئے ہیں۔

 فوج کے میڈیا ونگ کے مطابق فائرنگ کا واقعہ ہفتہ کو ضلع چترال کے علاقے ارسون میں پیش آیا۔

 فوج کے دستوں نے مؤثر طریقے سے دہشت گردوں کے ٹھکانے کا پتہ لگایا اور اس کے نتیجے میں، "سات دہشت گرد مارے گئے جبکہ دیگر چھ شدید زخمی ہوئے،"۔

پاکستان گزشتہ کئی ماہ سے دہشت گردی کی لپیٹ میں ہے۔  پاکستان انسٹی ٹیوٹ فار کنفلیکٹ اینڈ سیکیورٹی اسٹڈیز () کی مرتب کردہ ایک رپورٹ میں بتایا گیا ہے کہ اگست کے مہینے میں پاکستان بھر میں عسکریت پسندوں کے حملوں میں تیزی سے اضافہ ہوا جس میں دہشت گردی کے 99 واقعات رپورٹ ہوئے، جس کے نتیجے میں 112 افراد ہلاک اور 87 زخمی ہوئے، جن میں زیادہ تر سیکیورٹی فورسز کے اہلکاروں کو نشانہ بنایا گیا۔  

 ملک کی سول اور عسکری قیادت نے دہشت گردی کے خلاف اپنی جنگ جاری رکھنے کا عزم کیا ہے، کیونکہ دونوں چیف آف آرمی اسٹاف (سی او اے ایس) جنرل عاصم منیر اور نگراں وزیر اعظم انوار الحق کاکڑ نے دہشت گردوں کے سامنے ہتھیار نہ ڈالنے کا عزم کیا ہے۔

 سی او اے ایس نے کہا کہ قوم کو "دہشت گردوں کے بزدلانہ ہتھکنڈوں" سے "مجبور" نہیں کیا جا سکتا جو "غلط یقین رکھتے ہیں کہ وہ فوجیوں کے آہنی عزم اور ریاست کی رٹ کو چیلنج کر سکتے ہیں"۔